സ്നേഹത്തൂവല്‍ ........................

"അകലയാണിന്നുമെന്‍ നീലാംബരി

എങ്കിലും നീ, എന്നുമെനിക്കെന്‍റെയീ

ചിറകില്‍ നിന്നടര്‍ന്നു വീണോരാ

സ്നേഹത്തൂവല്‍"..............

"അറിയില്ല നീയിതെങ്കിലും നോവുമീ

സ്നേഹമാണ് എന്‍റെയീ

ശ്രീരാഗവും........."

ഓണനിലാവ്‌.....

പോയ്പോയൊരാ ഓണനിലാവും

കിനാവിലെ പൊന്നോണ പൂക്കളവും

ആടിമാസം കഴിഞ്ഞാല്‍ ഇനിയും തിരിച്ചു വന്നീടുമോ ?

ചി ങ്ങം പിറന്നിട്ടും അത്തം

വഴിവക്കില്‍ നിന്ന് തേങ്ങുന്നതെന്തേ?

ഇനിയും കരിഞ്ഞുണങ്ങിയ തുമ്പമലരിന്‍റെ

മൊട്ട് അടരുന്നത് കണ്ടിട്ടൊന്ന് ഓണപ്പുലരി

പിറക്കാതെ പോകുമെന്നോര്തിട്ടോ?

അതോ വില്‍പ്പനക്കായി തെളിനീരു തളിച്ച വസന്തത്തെ കണ്ടിട്ടോ?

എല്ലാ മലയാളിയും ഓര്‍മകളില്‍ പൂവ് ചൂടി ഓമനിക്കുന്ന ഒരു വസന്തമാണ് ഓണക്കാലം. വര്‍ഷംതോറും മാറി മാറി വരുന്ന ഓണം ഓര്‍മിപ്പിക്കുന്നത്‌ കാലത്തിന്‍ മാറ്റത്തെയാണ്. തൊടിയിലെ തുമ്പപ്പൂ നുള്ളി മുറ്റത്തൊരു പൂക്കളം ഒരുക്കിയ ബാല്യകാലത്തില്‍ നിന്നും വിലയിട്റ്റ് വില്‍ക്കാന്‍ വെച്ച ഒരു വ്യാപാരചരക്കായ പൂക്കളിലെക്കുള്ള മാറ്റം.

ഇന്നത്തെ ഓണനിലാവിന്റെ ഓര്‍മ്മയില്‍ അത്തപൂക്കളവും, ഊഞ്ഞാലും, നാക്കിലയിലെ തുമ്പപ്പൂചോറും,മാവേലി തമ്പുരാനും ഇല്ല. പകരം മൊബൈലുകളില്‍ മെസ്സജുകള്‍ കൊണ്ട് ഓണാശംസകള്‍ നിറയുന്ന പൂക്കളം മാത്രം.

ഓണപ്പുടവ അണിഞ്ഞു മാവേലി തമ്പുരാന്‍ വരുന്നതും നോക്കി പൂക്കളവും നോക്കി കാവല്‍ ഇരുന്ന ഒരു കുട്ടിക്കാലം ഏതൊരു മലയാളിക്കും സുപരിചിതമാണ്. അതെ എന്നോ ഒരു നാളില്‍ ആ തിരുവോണം നല്‍കിയ സമ്മാനമാണ്.

"എന്നിട്ടും ഇന്നത്തെ ഓണമെന്തേ ഇങ്ങനെ"?????????????

കയ്യില്‍ സമ്മാന പൊതികള്‍ ഒന്നുമില്ലാതെ , ഓര്‍മകളില്‍ ഒരു വസന്തം പോലും വിരിയിക്കാതെ ,കിനാവില്‍ ഒരു മയില്‍‌പീലി പോലും സംമാനിക്കാതെ പോയ്‌ മറയുന്നത്?

"കാലം തെറ്റി പെയ്യുന്ന മഴപോലെ , ഓണത്തിനും കാലം തെറ്റിയോ?"

ഇല്ല. കാലം തെറ്റിയത് ഒന്നുമല്ല.......................മാവേലിയും, ഓണസദ്യയും ഒക്കയുണ്ട്.

ടി.വി യിലൂടെ ഒന്നല്ല ഒരുപാട് മാവേലിയെ കാണാം. കറീമസാലയുടെ പരസ്യത്തിലൂടെ ഓണസദ്യയും നുണയാം

മാറ്റം കാലത്തിനു അനിവാര്യം ............... ഇനിയും മാറട്ടെ ഋതുക്കള്‍..................

പ്രകൃതിതന്‍ വികാരങ്ങള...................... അങ്ങന എല്ലാമെല്ലാം ..............ഒടുവില്‍ ഓണവും ചരിത്രത്തിന്റെ താളില്‍ ആരോ വരക്കുമ്പോള്‍ , "ഓണം തനിക്കെന്നും സ്വന്തം" എന്ന് അഹങ്കരിക്കുന്ന ഓരോ മലയാളിക്കും അന്യമായികൊണ്ടിരിക്കുന്ന ഓണത്തിനായി ഞാനുമിതാ ഒരു പൂക്കളം ഒരുക്കുന്നു...........ഒരു കണ്ണീര്‍ പൂക്കളം.........നിങ്ങള്‍ക്കായി എന്റെ സ്നേഹത്തിന്റെ മിഴിനീര്‍ പൂക്കളം.....

**** ******* **** ****** *** ****** ********** ****** *** ******** ***** ****** ******* ** ** എല്ലാ മലയാളികള്‍ക്കും എന്റെ ഹൃദയം നിറഞ്ഞ ഓണാശംസകള്‍............